Watu wengine 800 wapatikana na COVID-19 huku 32 wakipoteza maisha yao

Wagonjwa wengine 32 wameangamizwa na virusi vya covid-19 na kupelekea idadi ya vifo nchini kufikia 4,149Visa vingine 800 vya maambukizi ya virusi hivyo vimerekodiwa baada ya sampo 6,530 kufanyiwa vipimo chini ya saa 24 zilizopitaKwa jumla idadi ya wagonjwa waliopona kutokana na virusi hivyo ni 197,307Wizara ya afya imetangaza visa vingine 800 vya maambukizi ya virusi vya COVID-19 baada ya sampo 6,530 kufanyiwa vipimo chini ya saa 24 zilizopita huku kiwango cha maambukizi kikifikia asilimia 12.3%.

Kufikia sasa idadi ya maambukizi kwa jumla nchini ni 211,828 na sampo zilizofanyiwa vipimo ni 2,190,806.

Kati ya visa vilivyoripotiwa hii leo 777 ni Wakenya ilhali 23 ni raia wa Kigeni, 414 ni wanaume na 386 wakiwa wanawake. Mgonjwa mdogo ana umri wa miaka ilahali mkubwa ana miaka 98.

Wagonjwa wengine 278 wamepona kutokana na virusi hivyo, kati yao 129 walikuwa chini ya mpango wa utunzi wa nyumbano ilhali 149 walikuwa katika hospitali mbali mbali nchini.

Kwa jumla idadi ya wagonjwa waliopona kutokana na virusi hivyo ni 197,307 kati yao 157,978 walikuwa chini ya mpango wa utunzi wa nyumbano ilhali 39,329 walikuwa wamelazwa katika hospitali mbali mbali.

Wagonjwa wengine 32 wameangamizwa na virusi vya covid-19 na kupelekea idadi ya vifo nchini kufikia 4,149.

Kwa mujibu wa wizara ya afya, wagonjwa 1, 719 wamelazwa katika hospitali mbali mbali nchini ilihali 7, 783 wanatunzwa nyumbani.

Wagonjwa wengine 133 wamelazwa ICU kati yao 58 wako kwenye ventileta na 68 wamewekwa kwenye Oksijeni na saba wanakaguliwa kimatibabu.

Kufikia Agosti 7, jumla ya watu 1,800,174 walikuwa wamepokea chanjo ya COVID-19.