Watu 20 wamefariki katika ajali ya basi nchini Afrika Kusini

Watu 20 wamefariki na wengine 61 kujeruhiwa kufuatia ajali kati ya lori lililokuwa likisafirisha pesa na basi katika jimbo la Limpopo nchini Afrika Kusini.

Basi hilo lilibingiria kutoka kwenye daraja na kuingia mtoni mwendo wa saa 20:00 Jumatatu, vyombo vya habari vya ndani viliripoti.

Wengi wa waathiriwa waliripotiwa kufariki baada ya kunaswa ndani ya basi hilo.

Chanzo cha ajali hiyo kinachunguzwa.

Kumekuwa na mvua kubwa katika eneo hilo.Huduma za dharura bado zilikuwa katika eneo la tukio Jumanne asubuhi, huku mvua kubwa ikinyesha na ikichelewesha kazi yao.