Wanajeshi wanne wa Senegal wauawa katika mlipuko wa bomu Casamance

Wanajeshi wanne wa Senegal waliuawa huko Casamance wakati gari lao lilipokanyaga bomu la kutegwa ardhini katika eneo hili la kusini mwa Senegal katika mtego wa waasi wanaodai kupigania uhuru, jeshi limetangaza siku ya Ijumaa.

Tukio hilo lilitokea siku ya Alhamisi "wakati wa misheni" huko Bignona Kaskazini, karibu na mpaka wa Gambia, na pia kuwajeruhi "watu watatu", imebainisha Kurugenzi ya Mahusiano ya Umma ya Jeshi la Wanajeshi (DIRPA) katika taarifa kwenye mtandao wa X (zamani ukiitwa Twitter). Alipoulizwa na shirika la habari la AFP, Dirpa haikutoa maelezo zaidi kuhusu mazingira ya ajali hiyo.

Kwa miezi kadhaa, jeshi limekuwa likifanya operesheni za usalama dhidi ya waasi wa Movement of Democratic Forces of Casamance (MFDC) ambao wanadai uhuru wa eneo hili linalopakana na Gambia na Guinea-Bissau.

Casamance ni eneo la waasi wa zamani katika bara la Afrika tangu watu wanaotaka kujitenga walipoingia maguguni wakiwa na silaha za asili baada ya ukandamizaji wa maandamano ya MFDC mnamo mwezi wa Desemba 1982. Baada ya kusababisha maelfu ya waathiriwa na kuharibu uchumi, mzozo uliendelea hatua kwa hatua.

Katika miaka ya hivi karibuni, mamlaka ya Senegal imejitolea kuwapa makazi mapya watu waliokimbia makazi yao baada ya kutangaza uharibifu wa kambi kadhaa za waasi, hasa kwenye mpaka na Guinea-Bissau. Rais wa Senegal Macky Sall, aliyechaguliwa mwaka 2012 kisha kuchaguliwa tena mwaka wa 2019, amefanya amani katika Casamance moja ya vipaumbele vyake.