Waliosambaza picha za rais amelowa waachiwa huru
Waandishi wa habari wawili kati ya 4 waliokamatwa kwa kosa la kuvujisha video iliyokuwa inaonesha suruali ya Rais wa Sudan Kusini ikiwa imelowa alipokuwa katika sherehe wameachiwa huru.
Umoja wa waandishi wa habari nchini humo umesema umefurahia sana kuachiwa kwa Victor Ladu na Mustafa Osman.
Video hiyo ilivuja Desemba mwaka jana katika mitandao ya kijamii ikimuonyesha Rais huyo akiwa amelowa wakati wimbo wa taifa ulipokuwa unaimbwa.
Kufuatia tukio hilo, wafanyakazi 6 wa televisheni ya taifa walikamatwa na wawili bado wapo kizuizini.
”Tunaiomba serikali kuwaachia waandishi wengine waliobaki katika mikono ya dola,” kilisema chama hicho cha waandishi wa habari.
Watu mbalimbali yakiwemo mashirika ya kimataifa ya kusimamia haki kwa waandishi wa habari walikemea tukio hilo.