Waliokuwa wanahabari wa KTN Lofty Matambo na Fridah kujiunga na NTV

- Fridah Mwaka na Lofty Matambo walionyeshwa wakijiandaa kusoma habari kwenye tangazo lililopeperushwa na NTV

- Wawili hao wanaaminika kuwa wanahabari wapya wa lugha ya Kiswahili jijini

- Mashabiki waliotazama tangazo hilo waliwakaribisha kwenye kituo hicho

Huenda watangazaji wa lugha ya Kiswahili waliogura KTN News wanatazamiwa kujiunga na NTV.

Wawili hao ni Fridah Mwaka na Lofty Matambo ambao walioondoka shirika la Standard Group bila kutangaza walikokuwa wanaelekea.

Kulingana na tangazo la NTV, huenda wawili hao wanajiandaa kujiunga rasmi na shirika la Nation Media Group.

Kwenye tangazo hilo, mashabiki walitambua kwa wepesi mtindo wa mavazi wa Lofty na pia sehemu ya uso wake.

Fridah pia alionyeshwa akiwekwa vipodozi huku wawili hao wakidokezea kupitia saa zao za majira kwamba wako ange kusoma habari za saa moja usiku.

Mashabiki waliotazama tangazo hilo waliwakaribisha kwenye kituo hicho.

Hii hapa maoni yao:

Lofty Matambo aliwaaga mashabiki wake huku akisoma habari zake za mwisho katka kiyuo cha KTN siku ya Jumapili,Aprili 18 jioni.

Mwanahabari huyo alisema alijiunga na KTN akiwa limbukeni lakini aliendelea kujinawirisha.

Aliwashukuru mashabiki wake kwa kumuonyesha upendo kwenye runinga na pia Radio Maisha ambapo pia alikuwa na shoo yake na ilikuwa vigumu kuwaaga.

Lofty pia alishukuru shirika la Standard Group kwa nafasi waliomupa na wafanyakazi wenzake.

Fridah naye alitangaza habari kwa mara ya mwisho kituoni humo Jumapili, Machi 21, ambapo pia aliwaaga mashabiki wake.

Siku chache zilizopita, Mwaka alifichua kuwa aliwacha kazi yake ili kufuata ndoto yake ya mapishi na mavazi.

Lakini kulingana na mambo yalivyo, huenda ilikuwa njia ya kuficha mahali alipokuwa anapania kutua.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.