Walinzi wa kibinafsi Kenya kupewa bunduki

Kenya inapanga kuwapa silaha walinzi wa kibinafsi kulinda miundombinu muhimu.

Hatua hiyo inalenga kutenga rasilimali za polisi ili kushughulikia malengo mapana ya usalama wa taifa.

Kupitia Mamlaka ya Kudhibiti Usalama wa Kibinafsi (PSRA), serikali inashinikiza walinzi wa kibinafsi wawe na vifaa vya kutosha kushughulikia kazi hatarishi.

PSRA ni shirika la serikali ambalo linadhibiti tasnia ya usalama ya kibinafsi kulingana na Sheria na maadili na kanuni zilizowekwa katika Katiba.

Takribani maafisa wa polisi 10,000 wametumwa kulinda mitambo ya Serikali, na kuongeza idadi yao, ambayo inaweza kuathiri usalama wa ndani.

Tayari PSRA imeandaa Muswada wa Sheria ya Kanuni za Usalama Binafsi (Marekebisho) ya Sheria ya 2024, ambayo inalenga kuhakikisha marekebisho ya Sheria ya Kanuni ili kuruhusu walinzi wa kibinafsi kuwa na silaha.

Pindi pendekezo hilo litakapoidhinishwa, sheria itaidhinisha utoaji unaodhibitiwa, umiliki na utumiaji wa bunduki kwa maafisa wa usalama wa kibinafsi waliopewa kazi za hatari kubwa na zile za kulinda miundombinu muhimu.