Wakenya hawa maarufu walikiri kuwa mashoga

Kikundi cha LGBTQ nchini Kenya kimeweka wazi kuwa wanajihusisha na ushoga licha ya vitendo hivyo kuwa haramu nchini humo.

Baadhi ya wananchi hata hivyo wamelikubali kundi hili huku wengine wakichukizwa na kuwakemea wanaojihusisha na jamii hiyo.

Baadhi ya Wakenya maarufu wamewahi kujiokeza kukiri kuwa wao ni mashoga huku baadhi yao hata wakionyesha wapenzi wao wa jinsia sawa.

Miongoni mwa waliojitokeza ni;

Maxwell Mwamburi

Mwanamitindo huyu alijitokeza kuwa memba wa LGBTQ siku chache zilizopita na amekuwa akitumbuiza Wakenya kwa mitindo yake ya kuvaa kama mwanamke na pia kutumia bidhaa za urembo kama vipodozi na hata kuvaa nywele bandia.

Maxwell tayari amebadilisha jina lake kuwa Maxine.

Alieleza pia kuwa alipitia changamoto mbalimbali baada ya kujitokeza.

Chimano

Msanii huyo wa kundi la Sauti Sol alijotokeza katika wimbo wake, Friday Feeling, ambapo aliwashirikisha wanajamii wa LGBT.

Wanamitandao na mashabiki wake walikuwa wamemshuku Chimano kuwa shoga kwa muda mrefu kabla yeye kujitokeza.

Mwanamuziki huyo alipojitokeza mashabiki wake wamlimhakiki na kumkosoa ila alisema kuwa ataishi maisha yake atakavyo na kwamba atatumia muziki wake kupinga unyanyapaa dhidi ya wapenzi wa jinsia moja, chuki na unafiki.

Silas Miami

Mtoto huyu wa mwanahabari Louis Otieno alijitokeza wazi kama shoga baada ya kufunga pingu za maisha na mpenzi wake mzungu aliyetambuika kama Patrick.

Chris Makena

Aliyekuwa muigizaji wa kipindi cha Tahidi High Makena Njeri, pia anajulikana kuwa shoga na hata amejibatiza jina Chris Murithi kwenye Instagram.

Muigizaji huyo hajawahi kuficha kuwa yeye ni shoga na amekuwa akijivunia kuwa memba wa LGBTQ kutoka zamani. Hapo awali alikuwa kwenye mahusiano na mwanamuziki Noti Flow.

Noti Flow

Mwanamuziki huyu alijitokeza wazi kama shoga anayeweza kuchumbiana na mwanamke mwenzake au mwanaume kwa wakati mwengine.

Noti Flow alifichua kuwa alijitambua kama shoga akiwa na umri wa miaka 19 na aliweza kuchumbiana na wanawake pamoja na wanaume.