Wafanyakazi wa Shirika la msalaba mwekundu watekwa nyara Mali

Wafanyakazi wawili wa Kamati ya Kimataifa ya Msalaba Mwekundu wametekwa nyara nchini Mali.

Shirika hilo lilisema utekaji nyara huo ulifanyika kwenye barabara kati ya miji ya kaskazini-mashariki ya Gao na Kidal, eneo ambalo kwa muda mrefu limekuwa kitovu cha ghasia za wanamgambo wa Kiislamu.

Mali imekumbwa na mzozo wa kiusalama tangu mwaka 2012 na utekaji nyara ni jambo la kawaida, kwa nia ikiwa ni pamoja na kudai fidia na vitendo vya kulipiza kisasi dhidi ya operesheni za usalama na serikali.

Mwezi uliopita nchini Mali, daktari wa Shirika la Afya Ulimwenguni aliachiliwa wiki kadhaa baada ya kutekwa nyara kutoka kwenye gari lake katika wilaya ya Ménaka. Na mnamo Mei 2022, watu wenye silaha waliwateka nyara Waitaliano watatu na raia wa Togo.

Ghasia hizo pia zimeenea katika nchi jirani za Burkina Faso na Niger, na kuua maelfu ya watu na kuwafanya zaidi ya watu milioni mbili kuyahama makazi yao katika eneo hilo.