Waandamanaji Kenya wakamatwa

Maafisa wa Polisi nchini Kenya, wamekamata wafuasi wa upinzani waliokuwa wanajaribu kukusanyika nje ya jumba la Mikutano la KICC kwa maandamano yaliyoitishwa na upinzani.

Maafisa wa Polisi wameweka kambi katika maeneo tofauti tofauti jijini Nairobi, huku barabara zinazoelekea Ikulu zikiwa na vizuizi, kabla ya maandamano ya Muungano wa Azimio la Umoja yaliopangwa kufanyika leo.

Polisi nchini Kenya siku ya Jumapili walipiga marufuku upinzani kufanya maandamano kuhusu mfumuko wa bei, wakisema maombi ya maandamano hayo yaliwasilishwa kwa kuchelewa, lakini waandalizi waliapa kuendelea na mikutano hiyo.