Upigaji kura bado haujaanza katika kituo kikubwa zaidi cha kupigia kura

Vituo vya kupigia kura vimefunguliwa rasmi nchini Afrika Kusini lakini upigaji kura bado haujaanza katika kituo kikubwa zaidi, Joubert Park katikati mwa jiji la Johannesburg.

Maafisa wa uchaguzi wana shughuli nyingi sana, wakiweka vibanda vya kupigia kura na masanduku ya kura pamoja.

Kwa sababu ya idadi kubwa ya wapiga kura hapa, kituo cha kupigia kura kimegawanywa katika vyumba vitatu vya kupigia kura vyenye watu 20 hadi 30 katika kila foleni.

Wa kwanza katika moja ya foleni ni Steve Khoza, akiwa amevaa tai na amesimama kwa mkongojo. Ni mlinzi aliyevamiwa na majambazi alipokuwa akielekea kazini mwaka wa 2011.

Bw Khoza amefika katika kituo cha kupigia kura moja kwa moja kutoka kwenye zamu ya usiku na anasubiri kwa subira kupiga kura yake.

Hataniambia ni nani atampigia kura lakini, haishangazi kwamba uhalifu uko kwenye akili yake. Anasema ni lazima serikali ikabiliane nayo, na kujenga jeshi la polisi waaminifu na wenye nidhamu.