Uingereza yalipa Rwanda pauni milioni 100 za ziada mkataba wa uhamiaji

Uingereza imeipa Rwanda pauni milioni 100 mwaka huu kama sehemu ya mpango wake wa kuwahamisha wanaotafuta hifadhi huko.

Malipo hayo yalifanywa mwezi Aprili, mtumishi mkuu wa Ofisi ya Mambo ya Ndani alisema katika barua kwa wabunge, baada ya £140m tayari kutumwa kwa taifa hilo la Afrika.

Sir Matthew Rycroft alisema malipo mengine ya £50m yanatarajiwa mwaka ujao.

Ufichuzi huo umekuja saa chache baada ya Rishi Sunak kuapa "kumaliza kazi" ya kufufua mpango huo baada ya kujiuzulu kwa waziri wake wa uhamiaji wiki hii.

Mpango wa kupeleka baadhi ya waomba hifadhi nchini Rwanda kwa ajili ya kufanyiwa kazi, ili kuzuia watu kuvuka mkondo wa bahari kwa boti ndogo, ulitangazwa kwa mara ya kwanza na Waziri Mkuu wa wakati huo Boris Johnson mnamo Aprili 2022.

Lakini imekuwa ikicheleweshwa malipo hayo mara kwa mara na kukumbana na changamoto za kisheria na hakuna wanaotafuta hifadhi wametumwa kutoka Uingereza hadi sasa.

Kinachofahamika ni kuwa serikali imetumia takriban £140m kwa sera hiyo.

Sir Matthew hapo awali alikataa kufichua takwimu za hivi punde, akisema mawaziri wameamua kulipa gharama kila mwaka.