Uhuru aomboleza kifo cha aliyekuwa rais wa Afrika Kusini Frederik Klerk

Rais Uhuru Kenyatta ameomboleza kifo aliyekuwa Rais wa Afrika Kusini Frederik Willem de Klerk.

Rais Uhuru Kenyatta ameungana na raia wa Afrika Kusini kuomboleza kifo cha aliyekuwa rais Frederik Willem de KlerkKlerk ambaye hadi kifo chake alikuwa na umri wa miaka 85 ndiye alikuwa Rais wa Mwisho mzungu kuliongoza taifa hilo.

Msemaji wake alidokeza kuwa Klerk aligundulika kuwa na ugonjwa wa saratani mapema mwaka huu.

Klerk alikuwa kiongozi wa taifa la Afrika Kusini kati ya Septemba 1989 na Mei 1994 kabla ya Hayati Rais Nelson Mandela kumrithi.

Uhuru alisema kwenye ujumbe wake kwamba atamkumbuka Klerk kwa kuwa mstari wa mbele kuhakikisha kwamba anakabiliana na ubaguzi wa rangi nchini humo.

Klerk ambaye hadi kifo chake alikuwa na umri wa miaka 85 ndiye alikuwa Rais wa Mwisho mzungu kuliongoza taifa hilo.

"Mheshimiwa Rais Uhuru Kenyatta ametuma rambi rambi zake kwa Rais @CyrilRamaphosa na watu wa Jamhuri ya Afrika Kusini kufuatia kifo cha aliyekuwa kiongozi wa taifa Frederik Willem de Klerk kilichotekea Alhamisi Novemba 11, 2021," Taarifa kutoka Ikulu ilisema.

" Tutamkumbuka Klerk kama kiongozi ambaye alipigania ubaguzi wa rangi nchini humu na alichangia pakubwa demokrasia, usawa na haki, kwa kila mwananchi na kupata tuzo la Amani Nobel Mwaka wa 1993," Taarifa hiyo ilisoma zaidi.

Klerk alifariki dunia siku ya Alhamisi, Novemba 11 akiwa nyumbani kwake Fresnaye baada ya kuugua ugonjwa wa saratani ya mesothelioma.

Msemaji wake alidokeza kuwa Klerk aligundulika kuwa na ugonjwa wa saratani mapema mwaka huu na amekuwa akitibiwa akiwa nyumbani kwake na madaktari spesheli.

Akiwa madarakani kulingana na historia ya Afrikan Kusini, alimwachilia huru mwaka wa 1990 kiongozi aliyekuwa mstari wa mbele katika vita dhidi ya ubaguzi wa rangi Hayati Nelson Mandela, na kupelekea kuwepo kwa kura za vyama vingi mwaka 1994.

Shirika la habari la kimataifa BBC liliripoti kwamba Klerk alishiriki Tuzo ya Amani ya Nobel na Mandela kwa kusaidia kujadili kukomesha ubaguzi wa rangi.

Klerk alistaafu kutoka ulingo wa siasa mwaka 1997.