Uganda yaidhinisha muswada dhidi ya watu wa mapenzi ya jinsia moja

Serikali imemuidhinisha Mbunge wa Manispaa ya Bugiri Asuman Basalirwa kufanya mchakato unaostahili wa kuunda na kukamilisha Muswada wa Kupinga mapenzi ya jinsia moja wa 2023, unaonuiwa kupiga marufuku mahusiano ya watu wa jinsia moja nchini Uganda.

Hatua hiyo ilimruhusu kuwasilisha muswada huo kwa mara ya kwanza jana.

Alipokuwa akiwasilisha muswada huo, Bw Basalirwa alikariri msimamo wa wiki jana kwamba muswada huo unanuiwa kuihami jamii nchini Uganda dhidi ya utamaduni wa mapenzi ya jinsia moja. "Kutokana na hayo, kuna haja ya kuwa na sheria ya kuimarisha makosa yanayohusiana na hilo na vifungu wazi vya kuchunguza, kushtaki, kuwatia hatiani na kuwahukumu wahalifu," Bw Basalirwa alisema.

Katika kuelekea kusomwa kwa mara ya kwanza kwa muswada huo, Spika Anita Among aliwataka wabunge ‘kutotetereka’ au ‘kutishwa’ kwa kulazimishwa kupiga kura dhidi ya kupita huku kukiwa na taarifa kwamba wangenyimwa viza ya kusafiri katika baadhi ya nchi. "Nataka kuwasihi wabunge [kwamba] wasiogope, tunafanya hivi kwa ajili ya ubinadamu, tuko hapa kuwakilisha watu huko nje. Sisi ni sauti ya wasio na sauti. Spika Among alisema.