Uganda kuanzisha kituo cha ziada cha matibabu ya Ebola

Idadi ya visa vilivyothibitishwa vya Ebola nchini Uganda imeongezeka na kufikia 109, huku mlipuko huo ukisababisha vifo vya watu 30, Waziri wa Afya Jane Ruth Aceng, alisema Jumatano na kuongeza kuwa serikali inaanzisha kituo cha ziada cha matibabu.

Visa 15 kati ya vilivyothibitishwa vilikuwa vya wafanyikazi wa afya, ambao sita kati yao, walikufa, waziri huyo aliuambia mkutano wa wanahabari.

Aceng alisema vituo vitano vya matibabu vinaendelea kutumika na cha sita kinaanzishwa.

Alisema kituo hicho kitaanzishwa katika uwanja wa michezo wa Mulago, na kuongeza kuwa kitaongeza idadi ya vitanda vinavyopatikana kwa ajili ya kutibu wagonjwa wa Ebola kufikia 351.

Virusi vinavyosambaa nchini Uganda ni aina ya Ebola ya Sudan, ambayo haina chanjo, iliyothibitishwa, tofauti na aina ya kawaida ya Zaire, iliyoonekana wakati wa milipuko ya hivi karibuni katika nchi jirani ya Jamhuri ya Kidemokrasia ya Kongo.