UDA yaonya DP Ruto hakuna mteremko, lazima Atoe kijasho kupata tiketi

Katibu wa UDA Veronica Maina alisema DP Ruto atapambana na wanaume wengine kwenye tiketi ya kuwania uraisDP Ruto Jumamosi Juni 19 alifichua kuwa mpango wake ni kuchukua tiketi ya UDA baada ya masaibu kuingia nyumba ya JubileeRuto waliunda Jubilee pamoja na Rais Uhuru Kenyatta na alikuwa akitarajia kuitumia kuingia Ikulu 2022Katibu wa UDA Veronica Maina amesema tiketi ya chama hicho haijawekewa Naibu Rais William Ruto kuwania urais 2022.

Maina alisema Ruto ni lazima atapitia kwenye mchujo wa chama hicho iwapo kuna wagombea wengine ambao watajitokeza kumezea mate tiketi ya UDA kuwania urais.

"Msishangae kukiwa na wagombea wengine katika kutaka kuwania urais kwa tiketi ya UDA, kwa hivyo naibu rais atalazimika kupitia mchujo," alisema Maina.

Kulingana na Maina hakuna mgombea wa UDA ambaye atapata tiketi ya moaj kwa moja katika uchaguzi wa 2022.

Tangazo hilo limejiri siku chache tu baada ya DP Ruto kuashiria wazi kabisa kwamba ana mpango wa kukihama chama tawala cha Jubilee.

Akizungumza huko West Pokot Jumamosi, Juni 19 alidai kwamba Jubilee, chama kilichokuwa kikiwaunganisha Wakenya wote sasa kinauawa na kuchukua mkondo wa kikabila.

Hawa watu wamevunja Jubilee, chama ya kitaifa, sasa wanatwambia twende kila mtu aanzishe chama ya kabila yake, tunawaambia hustler nation haiwezi kutoshea kwa kabila moja,” DP Ruto alisema Jumamosi.

Alisema yeye ni mwanasiasa mjanja na kuvunjwa kwa Jubilee hakuwezi zuia safari yake ya kuingia Ikulu.

“Wamekwama na chama yote, sasa wanataka kunganisha ODM na Jubilee, sasa historia ya Kenya jamani sijui itakuwaje,….wanafikiria hustler tutakosa chama ya kutupeleka mbele, tuko macho, tuko na chama ya mahusstler , inaitwa UDA,” alidokeza.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 073248269.

Tazama Video Kemkem za Kusisimua Kutoka hapa TUKO.co.ke