Tinubu aomba umoja baada ya kushinda uchaguzi

Rais mteule wa Nigeria Bola Tinubu ametoa wito wa kuwepo kwa umoja katika hotuba yake kwa wafuasi walioshangilia baada ya kutangazwa mshindi wa uchaguzi uliofanyika Jumamosi.

Gavana huyo wa zamani wa Lagos alisema alitaka kufanya kazi ili kuifanya Nigeria kuwa kubwa. Bw Tinubu, kutoka chama tawala cha All Progressives Congress, alipata takriban kura milioni tisa, milioni mbili zaidi ya mpinzani wake wa karibu.

Lakini vyama vya upinzani vimetaka uchaguzi huo kufutwa, kwa madai ya kuchakachuliwa kwa matokeo.

Kumekuwa na wasiwasi mkubwa kuhusu uhesabuji wa polepole wa kura.

Tume ya uchaguzi ilikana shutuma hizo. Bw Tinubu atachukua wadhifa huo kutoka kwa Muhammadu Buhari ambaye anaondoka madarakani baada ya mihula miwili akiwa na umri wa miaka 80.