Tarehe ya marudio ya uchaguzi yatangazwa Liberia

Uchaguzi wa marudio utafanyika mwezi ujao nchini Liberia baada ya kumalizika kwa mnyukano mkali kati ya Rais George Weah na mpinzani wake mkuu Joseph Boakai.

Weah alipata asilimia 43.83 ya kura na Bw Boakai ambaye ni makamu wa rais wa zamani alipata asilimia 43.44.

Uchaguzi wa Oktoba 10 ulikuwa ni uchaguzi mkali zaidi wa urais nchini Liberia tangu kumalizika kwa vita vya wenyewe kwa wenyewe karibu miongo miwili iliyopita.

Duru ya pili ilitabiriwa, lakini Bw Boakai, 78, amefanya vizuri zaidi kuliko ilivyotarajiwa kwa kukaribia kuhesabiwa kwa Bw Weah.

Duru ya pili ilichochewa kwani hakuna mgombea aliyepata zaidi ya asilimia 50 ya kura katika duru ya kwanza. Uchaguzi wa marudio unatarajiwa kufanyika Novemba 14, mkuu wa tume ya uchaguzi Davidetta Browne alisema baada ya kutangaza matokeo ya mwisho.

Boakai alimfuata Weah katika duru ya kwanza ya upigaji kura katika uchaguzi wa 2017, na kushindwa katika duru ya pili kwa kura nyingi.

Alipigana katika uchaguzi huu chini ya kauli mbiu ya "Rescue" wakati akimshutumu Bw Weah - nyota wa zamani wa soka wa kimataifa mwenye umri wa miaka 57 - kwa kuiangusha Liberia wakati wa muhula wake wa kwanza.