Spika wa Somalia alaani vikali shambulio kwenye kambi ya jeshi

Spika wa bunge la Somalia amelaani vikali shambulio la Jumatatu la woga lisilo na huruma na lisilo na utu au kumuogopa Mungu katika kambi ya kijeshi lililouwa wanajeshi 25 na kujeruhi wengine zaidi ya 70.

Sheik Adan Mohamed Nur, maarufu kama Adan Madobe, amesema anashuku wasaliti wanaweza kuwa walifanikisha shambulio hilo la bomu.

Najua kati ya maafisa wa Polisi wako ambao ni wazuri, wachapa kazi na wenye heshima lakini wasaliti wamewezesha hili. Ninashuku hilo sana. Haivumiliki alisema kwenye video iliyowekwa na vyombo vya habari vya serikali.

Kundi la wanamgambo wa al-Shabab lilidai kuhusika na shambulio hilo. Katika taarifa kwenye mtandao wa Telegram, al-Shabab ilisema mmoja wa washambuliaji wake wa kujitoa muhanga ndiye aliyetekeleza shambulio hilo.