Simu Mkononi: Watahiniwa wa KCSE kupokea matokeo yao leo

Leo itakuwa ni siku tete kwa watahiniwa wa mtihani wa kidato cha nne uliofanyika mwezi Machi na Aprili.

Duru zimearifu TUKO.co.ke kuwa matokeo ya mtihani huo yatatolewa leo na Waziri wa Elimu Profesa George Magoha.

Kwa kawaida watahiniwa wataweza kupokea alama zao kupitia ujumbe mfupi wa simu baada ya matokeo kutangazwa rasmi.

Magoha wiki iliyopita alitangaza kuwa mtihani huo ulikuwa umekamilika kusahihishwa na kilichobakia ni wataalamu kuupiga msasa tu.

"Tunaenda katika daraja ya pili ambayo itahitaji wataalamu kufanya mambo fulani na kisha mtihani utatolewa," Magoha alisema wiki jana.