Sierra Leone iko tayari kufungua ubalozi mjini Jerusalem

Serikali ya Sierra Leone imesema iko tayari "kuanzisha Ubalozi wa Sierra Leone mjini Jerusalem".

Hii inafuatia nchi nyingine kama Marekani, Guatemala, Honduras na Kosovo ambazo tayari zimefungua balozi huko.

Israel inauchukulia Jerusalem kuwa mji mkuu wake - ikijumuisha Jerusalem Mashariki ambayo ilitwaa mwaka 1980.

Lakini hatua hiyo haitambuliwi na wengi wa jumuiya ya kimataifa.

Nchi nyingi zimeweka balozi zao kwa Israel huko Tel Aviv, kwa vile zinadhani hadhi ya Jerusalem inapaswa kuamuliwa katika mazungumzo na Wapalestina - ambao wanadai kuwa mji mkuu wa taifa la baadaye la Palestina.