Shambulio la Al-Shabab liliwatia hofu wanajeshi wa Uganda-Rais Museveni

Rais wa Uganda Yoweri Museveni amethibitisha kuwa kambi ya jeshi la Uganda nchini Somalia ilivamiwa na mamia ya wanamgambo wa al-Shabab kabla ya mapambazuko siku ya Ijumaa.

Katika taarifa iliyochapishwa kwenye Twitter, alikosoa wanajeshi wa Uganda walioko hapo, akiwashutumu kwa kushindwa.

Haya ni maneno makali kutoka kwa Rais Museveni kuhusu mienendo ya wanajeshi wake mwenyewe baada ya wapiganaji wa Kiislamu kufanikiwa kuteka kambi yao ya ujumbe wa Umoja wa Afrika nchini Somalia.

Alisema askari hao waliingiwa na hofu na kuondoka. Hii haikuwa ya lazima, alisema, kwa sababu utetezi wao ungekuwa na nguvu za kutosha ikiwa wangebaki mahali.

Siku ya Ijumaa, al-Shabab walisema kuwa wamewaua Waganda wengi.

Bw Museveni alikiri kwamba kumekuwa na baadhi ya vifo lakini hakutoa maelezo yoyote. Baadaye Marekani ilifanya shambulizi la anga la kuharibu silaha zilizokamatwa. Uchunguzi wa kijeshi unaendelea.