Serikali ya Nigeria yazuia mbio za kubusiana

Serikali ya Jimbo la Ekiti nchini Nigeria imetangaza kupiga marufuku mbio za siku tatu za kubusiana zilizopangwa kuweka Rekodi ya Dunia ya Guinness katika jimbo hilo.

Kundi linalotambulika kama Sugartee lilitoa tangazo likisema kwamba mnamo Julai 7 wataanza mbio ndefu zaidi za kubusiana duniani katika uwanja maarufu wa burudani katika mji mkuu wa jimbo hilo.

Akizungumzia maendeleo hayo, Wizara ya Sanaa na Utamaduni ya Jimbo hilo katika taarifa yake iliyotolewa Julai 5, imepiga marufuku kufanyika kwa mashindano hayo ya marathon na kuwaonya Wafanyabiashara wote wa Hoteli katika jimbo hilo kutoruhusu majengo yao kutumika kwa mazoezi hayo.

Serikali ya jimbo hilo ilionya kwamba vikwazo vikali vitawekwa kwa hoteli yoyote itakayopatikana kuruhusu zoezi kama hilo katika kituo chao.

Barua hiyo iliyotiwa saini na Mkurugenzi wa Utalii Adebanji Adelusi kwa niaba ya katibu mkuu wa wizara hiyo, Dele Ogunsemoyin ilibainisha kuwa tukio lililopangwa lililoandikwa ‘Kiss-a-thon’ lilikuwa na uwezo wa kudhalilisha taswira ya serikali.