Schurli, Kobe mzee mwenye umri wa miaka 130 aaga dunia

Kobe mwenye umri wa miaka 130, alifariki katika bustani la wanyama nchini Austria baada ya kuugua kwa siku chache Schurli ndiye alikuwa kobe mzee zaidi katika bustani hilo pamoja na wengine wawili, Menschik na Madi Kobe huyo mkubwa aliishi zaidi ya wahudumu wengine wa bustani hilo na alipenda kula majani yaliyokauka na matango

Bustani moja jijini Vienne, Austria, linaomboleza kufuatia kifo cha kobe mzee zaidi kwa jina Schurli.

Bustani la Tiergarten Schönbrunn ndio lilikuwa nyumbani kwa Schurli kwa miaka 68 baada ya kuwasili nchini Austria akitokea Seychelles mnamo mwaka 1953.

Kwa mujibu wa WFMY2 News, Schurli alifariki Jumapili, Julai 11, baada ya kuugua kwa siku chache na alikuwa anachunguzwa kwa karibu na madaktari wa mifugo.

Nakuru: Wanandoa Waliopendana Waaga Dunia Wakifuatana Chini ya Saa 24

Kobe huyo mkubwa anaripotiwa kuishi zaidi ya wahudumu wengine wa bustani hilo.

Akizungumza kwenye mahijiano, mhudumu wa bustani hili, Maximilian Schon alisema Schurli alikuwa na tabia njema japo pia alikuwa msumbufu.

Kobe huyo alikuwa amepewa jina la utani "old guy" na wafanyakazi wa bustani hilo na alikuwa anapenda kula majani yaliyokauka na matango.

Schurli alikuwa anafungiwa mahali pamoja na Menschik na kobe mwingine wa kike Madi.

Kulingana na WWMT News, kobe huyo alipata umaarufu baada ya kutabiri kila wiki kwenye michuano ya Ulaya mwaka 2016.

Menschik sasa ndiye kobe mzee zaidi katika mbuga hilo na aliwasili siku chache baada ya Schurli. Kobe mkubwa wa Aldabra anaweza kuishi hadi miaka 150.

Simba mzee zaidi afarikiKatika taarifa nyingine kuhusu wanyama, simba mzee zaidi katika Mbuga la Wanyama la Kitaifa la Nairobi, Sam alifariki kutokana na majeraha baada ya kupigana na simba mwingine mwaka jana.

Wakenya Wamshinikiza Mtangazaji Maina Kageni Kuoa baada ya Video Hii Kupostiwa Mitandaoni

Sam, ambaye alikuwa ametawala mbuga hilo kwa zaidi ya miaka minane, alipatwa amelala hoi asubuhi ya Jumatatu, Agosti 3, 2020.

Kulingana na Wildlife At Risk International-Africa, mfalme huyo alipatikana akiwa mnyonge na majeraha ya kuumwa mgongoni na uso.

Sam alifariki akiwa na umri wa miaka 15, miezi minane baada ya kaka yake Cheru kutoweka Disemba 2019.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama Video Kemkem za Kusisimua Kutoka hapa TUKO.co.ke.