Rais wa Nigeria apiga marufuku safari za nje za maafisa wa serikali

Rais wa Nigeria Bola Tinubu amepiga marufuku safari za nje za maafisa wa serikalifalse

Rais wa Nigeria Bola Tinubu ataanzisha marufuku ya miezi mitatu kwa mawaziri na maafisa wengine wa serikali kwenda safari za nje zinazofadhiliwa na umma.

Mkuu wa wafanyikazi wa Bw Tinubu alisema hatua hiyo ilichochewa na "wasiwasi wa rais kuhusu kupanda kwa gharama za usafiri" na maafisa wa umma.

Marufuku hiyo itaanza kutekelezwa tarehe 1 Aprili.

Rais Tinubu na utawala wake wamekuwa wakikosolewa na baadhi ya watu kwa ziara zao za mara kwa mara nje ya nchi.

Tangu kuapishwa kwake mwezi Mei, Bw Tinubu amefanya zaidi ya safari 15 za kigeni.

Rais wa Nigeria anasemekana alitumia angalau naira 3.4bn ($2.2m; £1.8m) kwa usafiri wa ndani na nje katika miezi sita ya kwanza ya urais wake - 36% zaidi ya kiasi kilichopangwa kwa 2023, gazeti la Punch la Nigeria liliripoti mwezi Januari, akinukuu GovSpend, jukwaa la teknolojia ya kiraia ambalo hufuatilia matumizi ya serikali.

Mkuu wa wafanyikazi wa Bw Tinubu Femi Gbajabiamila alisema marufuku ya kusafiri itapunguza gharama huku kukiwa na "changamoto za sasa za kiuchumi za Nigeria na hitaji la usimamizi wa fedha unaowajibika".