Rais Uhuru na Raila Odinga wahudhuria kikao wafanya kikao cha pamoja

Rais Uhuru Kenyatta na kinara wa ODM Raila Odinga wako kwenye kikao na wandani wao katika Ikulu ya Nairobi.

Picha ambazo zimepakiwa mitandaoni zinaonyesha wawili hao wakiwa wamechangamka pakubwa.

Wameketi kwenye jukwaa huku wakifuatilia semi za wandani wao kwenye kikao hicho kilichohudhuriwa na wabunge wanaoegemea mrengo wa Azimio la Umoja.

Ni wazi kutoka kwenye picha hizo kuwa wawili hao walikuwa wakifurahia michango iliyokuwa ikifanywa na makamanda wao wa kisiasa.

Kwenye mojawapo wa picha hizo, Rais anaonekana akiwa ameshikilia kipaza sauti kwa namna ambayo huwa maarufu kwake anaporusha mishale ya kisiasa kwa mahasimu wake.

"Huyu ukiona ameshika microphone hapa unajua kimeumana. Hapa kuna mtu alilimwa kisiasa," Mark Mwithiga aliandika kwenye Facebook.

Kambi ya kisiasa ya naibu rais William Ruto imetega maskio kujua yale yalifanyika katika kikao hicho.