Rais Uhuru na DP Ruto kwenye meza moja kuhudhuria maombi kwa taifa

Rais Uhuru Kenyatta na naibu wake William Ruto wako kwenye meza moja wakihudhuria kikao cha 18 kuombea taifa.

Kikao hicho kinafanyika katika majengo ya bunge ambapo viongozi wamekongamana kuombea taifa.

Rais alifika bungeni na kupokewa na naibu wake kabla ya kuingia kwenye ukumbi ambapo maombi hayo yanafanyika.

Kwenye meza ya Rais, upande wake wa kulia ni DP Ruto huku Spika wa Bunge Justin Muturi naye akiwa upande wa kushoto.