Rais Uhuru ampandisha cheo mshindi wa medali ya fedha Olimpiki

Kabla ya kupandishwa cheo, Cheruiyot amekuwa akihudumu kama Inspekta Mkuu wa magerezaKupandishwa cheo kuwa Msimamizi Mkuu wa Magereza ni kutokana na kushinda medali ya fedha wakati wa Olimpiki 2020 jijini Tokyo Cheruiyot alimaliza kwenye nafasi ya pili nyuma ya raia wa Norway, Ingebrigtsen Jakob katika mbio za mita 1500Timothy Cheruiyot ambaye alishinda medali ya fedha wakati wa Olimpiki 2020 jijini Tokyo amepandishwa cheo baada ya matokeo yake ya kuridhisha kwenye mashindano hayo.

Cheruiyot alimaliza kwenye nafasi ya pili nyuma ya raia wa Norway, Ingebrigtsen Jakob katika mbio za mita 1500.

Bingwa huyo wa dunia alivunja matumani ya kuweka rekodi kwenye Olimpiki katika dakika za mwisho za mashindano hayo akisajili muda wa 3.31.65 to na kuvunja rekodi ya Noah Ngeny ya 3.32.07 aliyoweka jijini Sydney, Australia, miaka 20 iliyopita.

Hata hivyo, Ingebrigtsen alivunja rekodi hiyo kwa kusajili muda wa 3.28.32 na kuibuka mtu wa kwanza Ulaya kushinda mbio za wanaume za mita 1500 tangu 1992, huku Cheruiyot akiridhika na medali ya fedha.

Bidii ya mwanariadha huyo jijini Tokyo sasa imezaa matunda kufuatia kupandishwa ngazi kuwa Msimamizi Mkuu wa Magereza siku ya Jumatatu, Agosti 16.

Cheruiyot amekuwa akihudumu kama Inspekta Mkuu wa magereza.

Kamishna Mkuu wa idara hiyo, Wycliffe Ogalo ambaye alisimamia hafla ya kumpandisha cheo Cheruiyot alifichua kuwa Rais Uhuru Kenyatta ndiye alitoa agizo hilo.

“Nimeagizwa na Mh. Rais Uhuru Kenyatta kuwa kutokana na matokeo yako bora, katika mashindano ya Tokyo Olympic ambapo ulishinda medali ya Fedha katika mbio za mita 1,500, kuwa katika kukupongeza kwa kuletea taifa fahari, unapandishwa cheo kuwa Msimamizi Mkuu wa Magereza. Hongera!” Ogallo aliandika.

Timu ya Kenya yatuzwaKupandishwa cheo kwa Cheruiyot, kunakujia saa chache baada ya Rais Kenyatta kutangaza kuwa timu ya Kenya ambayo ilishiriki Tokyo Olympics itazawadiwa.

TUKO.co.ke iliripotia awali kuwa washindi wote wa medali ya dhahabu watatuzwa KSh 1 milioni kila mmoja, KSh 750,000 kwa washindi wa medali ya fedha huku walioshinda medali ya shaba wakitazamiwa kupokea KSh 500,000.

Timu ya Kenya ilishinda medali 10 wakati wa mashindano hayo, nne ya dhahabu, tatu ya fedha na mbili ya shaba.

Eliud Kipchoge na Faith Kipyegon ni miongoni mwa wanariadha waliong'aa kwenye olimpiki.