"Rais Mtarajiwa", Embarambamba azindua kibao kipya akimuimbia DP Ruto

- Embarambamba ni mja mwenye ndoto

- Celeb huyo wa Kisii ana matumaini ya kukutana na Naibu Rais William Ruto hivi karibuni

- Alimuomba kiongozi huyo kupitia wimbo wake mpya kutenga nafasi ya kukutana naye kwa majadiliano

"William Ruto rais mtarajiwa," ndio wimbo mpya wa muimbaji wa Kisii, Embarambamba.

Katika wimbo huo, muimbaji huyo amevalia suti nyekundu na kuketi sakafuni kwenye nyumba ya matope huku akiomba msaada.

Muimbaji huyo mwenye utata na densi za ajabu sasa yuko tayari kukutana na William Ruto.

Msanii huyo ambaye anatoka eneo lenye umaarufu wa ndizi, ana kiu cha kukutana na Naibu Rais William Ruto.

Embarambamba pia ana imani kwamba mwaka 2022, Ruto atashinda uchaguzi.

"Nifanye nini ili usikie sauti yangu? Nimeambiwa mara nyingi kwamba una shughuli nyingi," aliimba celeb huyo wa Kisii.

Kisha kidogo aligeuka na kumtaja mke wa Ruto, Rachel Ruto na kuuliza ni lini wawili hao watakwenda kula pamoja wakizungumza.

"Nitafanya nini ili uweze kusikia sauti ya maskini? Panguza machozi yangu ili tuweze kula pamoja," Embarambamba alisema huku akilala sakafuni.

Awali, muimbaji huyo wa nyimbo za injili kwa lugha ya Kisii alihojiwa na mwanahabari wa TUKO.co.ke, Kevin Phillips Momanyi na kusimulia safari yake ya usanii.

Jamaa huyo mcheshi, hujirusha sakafuni akikumbuka namna aliwahi kuanguka chooni akiwa mchanga.

Upendo wake kwa muziki ulianza mnamo mwaka 1997 lakini kila mara amekuwa akipatwa na aibu.

Wakati mmoja alipokuwa akimtumbuiza rais pamoja na naibu wake, Embarambamba, ambaye bado alikuwa mtoto alijikunja kwenye mpira na kuanza kubingiria.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.