Raila afichua sababu za kumfukuza kazi William Ruto 2011
Aliyewahi kuwa Waziri Mkuu wa Kenya, Raila Odinga amefichua sababu za kumtimua Naibu Rais William Ruto wakati akifanya kazi kwa pamoja wakati wa Serikali ya Muungano.
Raila amemshutumu vikali Ruto kwa kuwa na tamaa kubwa ya kupora mali ya umma na kudai kuwa ndio sababu ilimfanya akamtimua ofisini. Kinara huyo wa ODM pia aliongeza kuwa Ruto aliendelea na tabia hiyo ambayo ilimpelekea kukosana na bosi wake Rais Uhuru Kenyatta.
Raila alikosoa njia ya Ruto kutumia mamilioni ya pesa ilhali mshahara wake ni Tsh. milioni 40,942,640 tu
Akizungumza wakati wa ziara yake katika kaunti ya Nairobi siku ya Jumapili, Novemba 28, Raila alimshutumu vikali Ruto kwa kuwa na tamaa kubwa ya kupora mali ya umma.
"Wale niliowapa kazi na wakaiba. Tuliwafukuza na sasa wanapiga vifua. upuzi," Raila alisema.
Kinara huyo wa ODM pia aliongeza kuwa Ruto aliendelea na tabia hiyo ambayo ilimpelekea kukosana na bosi wake Rais Uhuru Kenyatta.
Raila alikosoa njia ya Ruto kutumia mamilioni ya pesa ilhali mshahara wake ni KSh2 milioni tu.
"Katika muda wa mwaka mmoja, anatumia Ksh100 milioni kwa mwaka mmoja ilhali tunajua mshahara wako ni Ksh2 milioni tu. Unapata wapi pesa zote hizo. Tunajua umeiba," aliongeza Raila.
Kilichojiri katika Serikali ya MuunganoMnamo mwaka 2011, Raila ambaye alikuwa Waziri Mkuu wakati huo aliwafuta kazi mawaziri wawili akiwemo Ruto ambaye alikuwa Waziri wa Elimu ya Juu.
Wakati huo Ruto ambaye alikuwa mwanachama wa Orange Democratic Movement (ODM), na aliyekuwa Waziri wa Kilimo Sam Ongeri, walisimamishwa kazi kwa miezi mitatu ili uchunguzi ufanyike katika wizara zao kabla ya kufutwa rasmi.
Kufutwa kwao kulijiri baada ya ripoti ya PricewaterhouseCoopers (PwC) na Mhasibu Mkuu wa Serikali kuhusu ubadhirifu wa fedha katika wizara zao.
Hustler ni mtu mwizi Itakumbukwa kwamba si mara ya kwanza kwa Raila kumuelezea Naibu Rais kama mtu mwizi.
Mnamo Oktoba 2021, Raila alikosoa jina la kimajazi la naibu rais William Ruto la hustler akisema linamaanisha mwizi.
Akiongea kwenye mahojiano na redio ya Emoo Jumatano Oktoba 6, kinara huyo wa ODM alisema jina hilo halifai.
Alitaka DP kuwafuta washauri wake akisema walimpotosha walipomshauri atumie hustler kujipigia debe.
"Aliyemshauri kutumia jina hilo alimpotosha pakubwa, Hustler ni mtu mkorofi, mwizi na mtu mwenye anatumia njia za mikato," Raila alisema kwenye mahojiano hayo.