Radi yaua wachezaji wa soka magharibi mwa Kenya

Wachezaji wawili wa kandanda walifariki baada ya kupigwa na radi walipokuwa wakicheza mechi katika kaunti ya Kisii magharibi mwa Kenya, vyombo vya habari vya nchini vinaripoti

Wachezaji wengine wawili walipelekwa hospitali kwa matibabu ya dharura baada ya kupata majeraha wakati wa mashindano ya wikendi

Afisa mmoja wa shirikisho la soka nchini alinukuliwa akisema kuwa timu hizo zilikuwa na mechi ya kirafiki mvua ilipoanza kunyesha

"Inasikitisha sana kwamba walipoteza maisha wakati wakicheza mchezo ambao waliupenda zaidi.Kama maafisa wa shirikisho, tunatuma risala zetu za rambirambi kwa familia zilizoathiriwa,” gazeti la Daily Nation lilimnukuu mwenyekiti wa Shirikisho la Soka la Kenya Evans Akang’a akisema.

Afisa huyo alizitaka mamlaka hizo kufunga vifaa vya kukamata radi katika maeneo ya umma ikiwemo shule zinazofanyika mechi ili kupunguza matukio hayo.