Afrika

Habari

Burudani

Michezo

Biashara

Live Radio

Nchi

Kijamii

Lifestyle

SIL

Pasta wa Uganda afurahia kifo cha TB Joshua akidai alikuwa mchawi

0979db4f2e279742 Pasta wa Uganda afurahia kifo cha TB Joshua akidai alikuwa mchawi

Wed, 9 Jun 2021 Chanzo: kiswahili.tuko.co.ke

- Pasta Jackson Senyonga wa Kanisa la Christian Life, jijini Kampala alimtaja marehemu TB Joshua kama "mchawi mkuu barani Afrika"

- Senyona alishikilia kwamba kifo cha Joshua ni ushindi mkubwa kwa Nigeria na Afrika kwa jumla

- Alimshtumu mwasisi huyo wa Kanisa la Synagogue of All Nations kuwatoa waumini wake "kafara"

- Mhubiri huyo kutoka Nigeria aliaga dunia Jumamosi, Juni 5, 2021, huku kifo chake kikiwashtua wengi

Pasta mmoja kutoka nchini Uganda ameshangaza wengi baada ya kusherehekea kufariki kwa mhubiri maarufu Mnigeria TB Joshua.

Katika video iliyosambaa kwenye mtandao wa kijamii Jumanne, Juni 8, Pasta Jackson Senyonga wa Kanisa la Christian Life, jijini Kampala alimtaja marehemu TB Joshua kama 'mchawi mkuu barani Afrika'.

Senyona alishikilia kwamba kifo cha Joshua ni ushindi mkubwa kwa Nigeria na Afrika kwa jumla.

Alimshtumu mwasisi huyo wa Kanisa la Synagogue of All Nations kuwatoa waumini wake "kafara".

"Kifo cha TB Joshua kinamaanisha ushindi. Alikuwa feki, aliharibu maisha ya maelfu na alkuwa mchawi mkuu Afrika," pasta huyo alisema.

Mhubiri huyo kutoka Nigeria aliaga dunia Jumamosi, Juni 5, 2021, huku kifo chake kikiwashtua wengi.

TB Joshua alivuma bara Afrika na mataifa yanayozungumza Latin.

Evelyn Joshua, mjane wa TB Joshua alionyesha hisia zake za huzuni kufuatia kifo cha ghafla cha mume wake.

Katika ujumbe ambao TUKO.co.ke umeona, Evelyn alichapisha ujumbe wa huzuni akimuomboleza mume wake akisema kuwa ni Mungu pekee anaweza kuwatuliza waliofiwa.

''Kumpoteza mpendwa si rahisi. Haijalishi ikiwa ghafla ama kutabiriwa huwa ya kuvunja moyo.Huzuni yaweza kutulemaza na ndio maana ni muhimu kukaa ndani ya Mwenyezi Mungu. Ni yeye pekee anaweza kuondoa machungu yote ya moyoni na kututuliza wakati huu. Tafuta hifadhi kwake," aliandika.

Wafuasi wake walifurika kutoa rambi rambi zao wakimuelezea marehemu kama mtu mcha Mungu ambaye alimtumkia na moyo wote

Rais wa Nigeria Muhammadu Buhari pia aliomboleza pamoja na familia na waumini wa Kanisa la Synagogue of All Nations kufuatia kifo cha TB Joshua.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Chanzo: kiswahili.tuko.co.ke