LONDON, ENGLAND. SUPASTAA Lionel Messi amedai kwamba Liverpool, Real Madrid, Juventus na Paris Saint-Germain ndizo timu zitakazokuwa tishio kwa Barcelona kwenye mpango wao wa kubeba ubingwa wa Ligi ya Mabingwa Ulaya msimu huu.
Chama hilo la Messi litakabiliana na Napoli kwenye hatua ya 16 bora na hakika kwa sasa presha imekuwa kubwa kuifukuzia fainali yao ya kwanza kwenye michuano hiyo ya Ulaya tangu 2015.
Miaka mitatu ya kuishia kwenye robo fainali waliivunja msimu uliopita wakati walipowasukuma nje Manchester United na kutinga nusu fainali ambako walikutana na Liverpool.
Mechi ya kwanza walishinda 3-0 uwanjani Nou Camp, kabla ya kwenda kufanyiwa maajabu Anfield walipokwenda kuchapwa 4-0.
Messi sasa anataka kubeba taji hilo ili kuongeza medali yake ya tano ya Ligi ya Mabingwa.
Lakini, amesema kuna kazi kubwa akizitaja klabu hizo nne ambazo zinawafanya Barcelona wakose usingizi kwenye mipango yao ya kubeba ubingwa.
Pia Soma
- Magdalena avunja rekodi ya Taifa riadha
- Mbao, Mwadui vita ya kushuka
- Dilunga, Bocco wawekewa Sh 200 milioni
Licha ya kuwapa nafasi vijana wa Jurgen Klopp mwaka huu, Messi anaamini pia Atletico ina uwezo mkubwa wa kulinda ushindi wao wa bao 1-0 wakati watakapokwenda Anfield – kitu ambacho Barca walishindwa.