ODM wazuka na madai ya wizi wa kura dhidi ya Jubilee Bonchari

- Mkurugenzi Mtendaji wa ODM Oduor Ong’wen alisema kuwa Jubilee kinatumia maafisa wa serikali kuendesha kampeni za mgombea wao

- Katika barua kwa IEBC, Ong’wen alidai chama hicho ni mwathiriwa wa vitendo visivyo vya haki wakati wa uchaguzi

- Kiti cha Bonchari kiliachwa wazi baada ya kifo cha John Oroo Oyioka Jumatatu, Februari 15, baada ya kuugua kwa muda mrefu

Chama cha Orange Democratic Movement (ODM) kimeshutumu Chama cha Jubilee kwa kutumia mamluki wa serikali kutatiza anga ya uchaguzi na hivyo kupendelea chama tawala.

Chama hicho cha Upinzani kilidai Jubilee kinatumia baadhi ya maafisa wa serikali katika Wizara ya Mambo ya Ndani kufanya kampeni kwa wagombea wao katika kujiandaa kwa uchaguzi mdogo.

Katika barua kwa Mwenyekiti wa Tume Huru ya Uchaguzi na Mipaka (IEBC) Wafula Chebukati, ODM kililalamika kuhusu madai ya matumizi mabaya ya mashirika ya serikali ili kushawishi visivyofaa kuhusu uchaguzi mdogo wa Bonchari.

"Tunataka kusajili malalamiko yetu kwa tume kufuatia mfululizo wa shughuli zilizohesabiwa vizuri na za kimfumo na sehemu ya wakala wa serikali na usalama ambao uagizaji wake jumla ni kushawishi vibaya mchakato wa uchaguzi huru, wa haki na wa kidemokrasia," sehemu ya barua hiyo ilisema.

Chama hicho kinadai kuwa maafisa wa serikali sasa wanahusika moja kwa moja katika kampeni kinyume na sheria.

Kulingana na gazeti la The Standard, Ong’wen alidai kuwa chama hicho kimekuwa mwathirika wa vitendo visivyo vya haki wakati wa maandalizi ya chaguzi ingawa kila wakati kimekuwa kikifuata kanuni za chaguzi hadi mwisho.

Aliitaka IEBC kuingilia kati na kuhakikisha kila maandalizi yanafanywa kwa njia ya haki kwa wagombeaji wote kabla ya Mei 18 kura zitakapopigwa kujaza nafasi marehemu John Oroo.

Ong’wen alizidi kudai kuwa wasimamizi wa eneo hilo wamewageuka na kuwa mawakala wa kampeni za mgombea wa Jubilee Zebedeo Opore.

TUKO.co.ke iliripoti kuhusu kifo cha Oroo aliyefariki dunia katika hospitali ya Kisumu Jumatatu, Februari 15, baada ya kuugua kwa muda mrefu.

Marehemu alichaguliwa kuwa mbunge mnamo 2017 kwa tikiti ya People's Democratic Party (PDP).

Kifo chake kilithibitishwa na Spika wa Bunge la Kitaifa Justin Muturi, ambaye alimtaja kuwa "mbunge mashuhuri."

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari kemekem za TUKO hapa