Njaa kali kuikumba Sudan Kusini

Takriban theluthi mbili ya idadi ya watu wa Sudan Kusini  takriban watu milioni 7.7 huenda wakakabiliwa na ukosefu mkubwa wa chakula kati ya Aprili na Julai mwaka ujao.

Pamoja na Shirika la Mpango wa Chakula Duniani na Shirika la Chakula na Kilimo, UNICEF inasema idadi ya watu wanaokabiliwa na ukosefu wa chakula na utapiamlo nchini Sudan Kusini sasa ni ya juu zaidi kuwahi kushuhudiwa..

Mashirika hayo ya Umoja wa Mataifa yanasema baadhi ya jamii huenda zikakabiliwa na baa la njaa iwapo msaada wa kibinadamu hautaendelezwa na hatua za kukabiliana na mabadiliko ya tabianchi hazitaongezwa.

"Sudan Kusini iko mstari wa mbele katika mzozo wa hali ya hewa na mchana, siku familia zinapoteza nyumba zao, ng'ombe, mashamba na matumaini ya hali mbaya ya hewa," anasema Makena Walker, kaimu mkurugenzi wa WFP nchini Sudan Kusini.

Mizozo, na kupanda kwa gharama za chakula na mafuta pia kunasababisha mzozo wa njaa na utapiamlo katika taifa hilo la Afrika Mashariki linalozalisha mafuta, mashirika ya Umoja wa Mataifa yamesema.