Nimeuona Mkono wa Bwana, Mama Miradi Asema Baada Kulazwa Hospitali

- Mama Miradi alipakia picha kwenye ukurasa wake wa Facebook akiwa na vazi la hospitalini

- Hakufichua zaidi anapougua hadi akalazwa hospitali lakini alisema tayari ameuona mkono wa Bwana

- Mashabiki wake walifurika kwenye ukurasa wake kumtakia kila la heri

Seneta mteule wa Jubilee Millicent Omanga Jumapili Aprili 11 aliwajulisha mashabiki wake kuwa amelazwa hospitalini.

Kulingana na picha ya Omanga aliyopakia kwenye mtandao wa Facebook, amelazwa katika hospitali ya Nairobi.

Omanga alifichua hilo wakati wa kuwapa wafuasi wake ujumbe wa Jumapili na kusema ameuona mkono wa Bwana.

"Magonjwa ya mwili huwa ni nafasi ya Mungu kuonesha kazi yake kwetu. Ameniponya mimi na nitazidi kuwa na imani kwake," alisema mwanasiasa huyo.

Kwenye picha aliyochapisha, Omanga, ambaye anajulikana kwa jina lake la kimajazi kama Mama Miradi, alionekana akiwa na vazi la hospitalini.

Mwanasiasa huyo hata hivyo hakufichua ni wapi anaugua kiasi cha kulazwa hospitalini.

Wafuasi wake walimiminika kwenye mtandao wakimtakia nafuu ya haraka ili aweze kurejea kwenye ulingo wa siasa.

"Angaza zaidi ya ugonjwa unaokutatuiza, nakutakia nafuu ya haraka katika jina la Yesu. Mungu anakupenda dadangu," Peter Mandela alimwandikia.

Anthony Okamari naye alimtaka Mama Miradi kujipa nguvu na kitabu cha Sefania.

"Mwenyezi-Mungu, Mungu wako yu pamoja nawe yeye ni shujaa anayekuletea ushindi. Yeye atakufurahia kwa furaha kuu, kwa upendo wake atakujalia uhai mpya. Atakufurahia kwa wimbo wa sauti kubwa," alimwandikia

Omanga huwa ni maarufu sana kwenye mtandao haswa baina ya kizazi cha vijana na huwasiliana nao mara kwa mara kupitia jumbe.

Anatarajiwa kuwania kiti cha mwakilishi wa kina mama kaunti ya Nairobi kama alivyofanya 2017 ambapo ndoto yake ilizimwa alipokosa tiketi ya Jubilee.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi hapa TUKO.co.ke