Nigeria yawaokoa waathiriwa wa msafara wa Marekani waliotekwa nyara

Vyombo vya usalama nchini Nigeria vinasema mapema asubuhi ya leo Ijumaa vimewaokoa watu wawili waliotekwa nyara wakati wa shambulio dhidi ya msafara wa Marekani katika jimbo la Anambra kusini-mashariki mwa Nigeria siku ya Jumanne.

Msemaji wa polisi Ikenga Tochukwu hakutoa utambulisho wa wale ambao wameokolewa, lakini alisema kuwa "operesheni bado inaendelea na maelezo zaidi yatawasilishwa".

Watu saba walifariki katika shambulio hilo, huku Washington ikisema hakuna raia wa Marekani aliyekuwa kwenye msafara huo, uliokuwa ukisafiri katika jimbo hilo lililokumbwa na ghasia na uasi wa kundi linalotaka kujitenga.