Nigeria yatangaza hali ya hatari kwa wizi wa simu

Ukanda wa Kaskazini mwa Nigeria, katika jimbo la Kano Jumatatu viongozi walitangaza hali ya hatari kutokana na uporaji wa simu na vitendo vingine vya uhalifu katika mji wa Kano, vyombo vya habari vimeripoti.

Bunge hilo lilielezea wasiwasi wao juu ya kuongezeka kwa matukio ya uporaji wa simu, wizi wa duka, matumizi mabaya ya dawa za kulevya na uhalifu mwingine ambao walisema unatishia mazingira ya amani ya jiji.

Katika mjadala wa hoja hiyo iliyofadhiliwa na kiongozi wa wengi bungeni, wajumbe wa bunge hilo walikubaliana kuwa kuna haja ya dharura ya kushughulikia hali hiyo kabla haijawa mbaya zaidi.

Bunge lilipitisha hoja hiyo na kuitaka serikali kuchukua hatua zote kuhakikisha wahusika wa uhalifu huo wanakamatwa na kufikishwa mahakamani.

Kwa miezi kadhaa, jimbo hilo ambalo wengi wa watu wake ni Waislamu limekuwa likikumbwa na visa vya uhalifu ikiwemo mashambulizi ya mara kwa mara kutoka kwa kundi lenye itikadi kali la Boko Haram amablo limekuwa likiwahangaisha wakazi wa eneo la kaskazini mwa Nigeria.