Afrika

Habari

Burudani

Michezo

Biashara

Live Radio

Nchi

Kijamii

Lifestyle

SIL

Ngunjiri Wambugu: Uhuru ni Baba Lao, Ruto na Raila Wamemtambua

08ce59679294163e Ngunjiri Wambugu: Uhuru ni Baba Lao, Ruto na Raila Wamemtambua

Sun, 11 Apr 2021 Chanzo: kiswahili.tuko.co.ke

- Ngunjiri alisema Uhuru amefaulu kuwachezea karata ya siasa DP Ruto na Raila

- Alisema wawili hao sasa wanahofia kuungana na kuenda kinyume cha Uhuru kwani watakosa kura za Mlima Kenya

- Kumekuwa na ripoti kuwa Raila na Ruto wanapanga kuungana ili kuchukua serikali 2022

Mbunge wa Nyeri Mjini Ngunjiri Wambugu amesema Rais Uhuru Kenyatta amefaulu kucheza kadi nzito za kisiasa dhidi ya naibu wake William Ruto na kinara wa ODM Raila Odinga.

Alisema kwa sasa Ruto na Raila ni baadhi ya wanjanja wa siasa nchini lakini Rais Uhuru amewapa funzo kuwa yeye ndiye baba lao.

Alisema kwa sasa wawili hao hawajui waende kulia au kushoto kwani Uhuru ndiye atakuwa na usemi 2022 kutokana na karata za siasa anazocheza.

Huku kukiwa na ripoti kuwa Ruto na Raila huenda wakaungana kwenye kinyang'anyiro cha 2022, Ngunjiri alisema wakifanya hivyo kitumbua chao kitaingiwa na mchanga.



Ruto na Raila wakiamua kuungana tutakuwa tumerudi kwenye siasa za 2007. Mt Kenya itaungana na kuwahepa wote. Uhuru asipowaunga mkono basi ataongoza eneo hilo kumuunga mkono mtu mwingine," alisema Ngunjiri.

Licha ya kuwa stadi katika kupanga siasa zao, mbunge huyo alisema Ruto na Raila hawapo tayari kumkera Rais Uhuru.

"Wote wawili wanajua Uhuru amedhibitisha yeye pia ni mjanja kuwaliko. Je, wako tayari kucheza karata zao dhidi yake wakijua huenda wakapoteza?" aliuliza Wambugu.



Kulingana na mbunge huyo, DP Rutio kwa sasa anaungwa mkono na asilimia 30 ya wakazi wa Mlima Kenya ambao hawataki kuskiza lolote kuhusu Raila Odinga.

Iwapo Ruto na Raila wataungana, Ngunjiri alisema, basi eneo la Mlima litaungana na hivyo kumuunga mkono mgombea mwingine kwa asilimia 100.

Ruto ni mgombea wa urais kwa sababu asilimia 30 ya Mt Kenya inamuunga mkono. Lakini anajua asilimia hii inamuunga mkono kwa sababu hawamtaki Raila na hivyo hata kuamua kuenda kinyume na Rais Uhuru," alisema Ngunjiri.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama hapa kemkem za TUKO hapa

Chanzo: kiswahili.tuko.co.ke