Naugua mafua makali - Raila Odinga

Kiongozi wa upinzani nchini Kenya Raila Odinga amesema anaugua mafua makali ambayo yalimpata mwanzoni mwa wimbi la tatu la maandamano yakupinga serikali.

Akizungumza na Kituo cha televisheni ch NTV hapo jana Bw Odinga hata hivyo alisema anaendelea vyema na kuongeza kuwa kutoshiriki kwa viongoza wa upinzani katika maandamano hayo kunaanishi ni maandamano ya wakenya.

''Maandamano sio ya baba ni ya Wakenya’’, alisema Odinga

Maandamanbo hayo yameitishwa na upinzani kupinga gharama ya juu ya Maisha na muswada wa fedha wa 2023 uliozuiwa na mahakama baada ya bunge kuunga mkono.

Rais William Ruto amesema kwamba serikali yake itaendelea kulinda usalama na demokrasi ya taifa la kenya kwa hali na mali.

Mashirika ya haki za binadamu yametaja idadi ya waliofariki katika maandamano nchini Kenya kufikia watu 30 tangu maandamano ya kuipinga serikali yaanze wiki mbili zilizopita.