Atangaza kuuza figo ili kugharamia matibabu ya mkewe
Naibu Spika wa bunge la mwananchi na mwanachama wa ODM Robert Kiberenge ametangaza kwamba anafuta mtu atakaye muuzia figo yake moja ili ayaokoe maisha ya mkewe.
Robert Kiberenge amesema hali ya kiafya ya mkewe Jackline Karegi Kevogo ambaye huwa na tatizo la shinikizo la damu ilidorora zaidi baada ya kupigwa chanjo ya covid-19. Kiberenge sasa ameamua kuuza figo yake ili apate pesa za kugharamia matibabu ya mkewe ambaye aligunduliwa hivi majuzi kuwa na matatizo ya figo.
Kwa jumla anahitaji KSh 200,000 ili mkewe Jackline atibiwe, amelazwa katika hospitali ya Guru Nanak jijini Nairobi.
Kiberenge alisema hali ya kiafya ya mkewe Jackline Karegi Kevogo ambaye huwa na tatizo la shinikizo la damu ilidorora zaidi baada ya kupigwa chanjo ya covid-19.
Kulingana na mwanasiasa huyo, mkewe pia huwa na tatizo la figo ambalo humfanya lazima amuone daktari kila baada ya wiki moja kwa matibabu ya kufanyiwa "Dialysis'.
" Hakuwa anameza dawa za shinikizo la damu wakati alidungwa chanjo ya covid-19, pindi tu alipopokea chanjo hiyo, alianza kuhisi maumivu tumboni, alilazwa katika hospitali ya Guru Nana ambapo aligunduliwa kuwa na matatizo ya figo," Kiberenge alisema.
Kulingana na ukaguzi wa daktari, Karegi hangepigwa chanjo kabla ya kumeza dawa za presha.
Kiberenge alisema ametumia pesa zote alizokuwa nazo na kwa sasa anamtafuta mtu atakayemuuzia figo ili agharamie matibabu ya mkewe, kwa jumla anahitaji KSh 200,000 kwa sasa.
" Anafaa kufanyiwa dialysis kila wiki, kila kipindi anachofanyiwa kinahitaji KSh 7,000 na hata daktari alisema hujui ni lini matibabu haya yatakamilika," Kiberenge aliongezea.
" Mke wangu anaumia sana, huwa hali, vidonda vimejaa mdomoni, hali yake inazidi kunipa wasiwasi kila siku,nimeamua niuze figo angalau nigharamie matibabu yake kwa sababu kwa sasa sina hata shillingi moja," Aliongezea.