Mwimbaji Ruth Matete aadhimisha kifo cha mumewe na ujumbe wa huzuni

Mwanamuziki wa nyimbo za injili Ruth Matete hii leo ameadhimisha mwaka mmoja tangu kifo cha mume wake Pasta John Apewajoye ambaye alifahamika na wengi kama Beloved John.

Kupitia ujumbe mrefu kwenye Facebook, Ruth alitaja kifo cha mume wake kama pengo kubwa ambalo haliwezi kujazwa.

"Mume wangu na mimi tulikuwa na mipango na ndoto, lakini Mungu alikuwa na mipango yake," alisema.

Ruth alitamani sana mume wake angelikuwa hai kusherehekea pamoja naye hatua ambazo binti wao anapiga maishani.

"Ninamkosa mume wangu sana. Kila hatua ambayo mtoto wangu Toluwa amepiga, natamani baba yake angelikuwa hai kusherehekea pamoja na mimi. Lakini ni maisha, Siku zingine ni ngumu na nimekubali itanichukuwa muda kupona. Siwezi jikimbiza. Nitapona siku nitapona," aliandika.

John aliaga dunia mnamo Aprili 11, 2020, kutokana na mlipuko wa gesi miezi mitano tu baada ya wawili hao kufunga pingu za maisha.

Kulingan na ripoti, marehemu Pasta John Apewajoye, alikuwa anajaribu kukarabati mtungu wa gesi wakati wa tukio hilo la kushtua.

Wakati alikuwa napunguza gesi kwenye mtungu huo, baadhi ya gesi ilishika nguo zilizokuwa zimeankwa ambzo zilishika moto a kisha kumchoma.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.