Mwandishi wa NTV afariki ajalini

Mwandishi wa habari wa Nation Media Group wa Uganda aliyekuwa akichipukia kwenye tasnia Edward Muhumuza, amefariki dunia kutokana na ajali mbaya iliyotokea Jumamosi iliyopita.

Edward (34) alipata ajali hiyo katika barabara kuu ya Kampala - Entebbe wakati akielekea Chuo Kikuu cha Nkuba alikokuwa akisomea Shahada ya Uandishi wa habari.

Taarifa zinaeleza kuwa kijana huyo mchapakazi aliwahi kufanya kazi na Uganda Broadcasting Corporation (UBC), Nile Broadcasting Services (NBS), na Urban Television kabla ya kujiunga na Nation Television Uganda (NTV).

Alianza kustawi kwenye uandishi na kutambulika hata kupokea tuzo ikiwemo ya African Centre for Media Excellence (ACME) aliyoipata mwaka jana.