Mwanafunzi afariki dunia akifuata barua ya kazi

Ajali katika eneo la Ngata ilikatiza ndoto ya mwanafunzi wa chuo kikuu ambaye amekuwa akipitia magumu akiwa na matumaini atabadili maisha ya familia yake.

Celestine Awuor alikuwa mwanafunzi katika chuo kimoja jijini na alipoabiri matatu kuelekea Eldoret alikuwa mwingi wa matumaini.

Kwa mujibu wa familia yake, alikuwa akisafiri kuendea barua ya kazi mjini Eldoret wakati ambapo maisha yake yalikatizwa.

Alikuwa ni mmoja wa watu wanane ambao walipoteza maisha baada ya kuhusika katika ajali eneo la Ngata Salgaa barabra ya Nakuru-Nairobi.

"Wakati ambapo habari za ajali hiyo zilikuwa zikitanagzwa alifaa kuwa amefika. Tulianza kujaribu kupiga simu yake lakini haikujibiwa na ndipo tukajua kuna kitu kimefanyika. Niliambia mke wangu nitaamkia Nakuru," alisema Anthony Onyango, mumewe dadake Awuor.

Baada ya kufika Nakuru siku iliyofuata alidhibitisha kuwa Awuor alikuwa amefariki dunia baada ya ajali hiyo.

Msichana huyo ametajwa kama aliyekuwa na bidii maishani na licha ya mamake mzazi kutaabika akitafuta karo ya chuo kikuu, alijikakamua akiwa na imani siku moja ataweza kubadili hali nyumbani.

Hayo sasa hayatatimia baadaya ajali hiyo iliyosababishwa na trela ambayo breki zilifeli na kugonga matatu mbili.