Mumewe Caroline Kangogo akataa kuwahutubia waombolezaji

Mumewe Caroline Kangogo, Richard Ng'eno alisalia kimya wakati wa mazishi ya mkeweAlikataa ombi la kuwahutubia waombolezaji waliokuwa wamekusanyika nyumbani kwa Kangogo kutoa heshima zao za mwishoAfisa huyo anayeshukiwa kwa mauaji alizikwa wiki mbili baada ya kupatikana akiwa ameaga duniaMumewe afisa anayeshukiwa kwa mauaji Caroline Kangogo mapema leo, Alhamisi, Julai 29 alikataa wito wa kuwahutubia waombolezaji katika mazishi ya mkewe eneo la Iten, Elgeyo Marakwet.

Sherehe za mazishi ya Kangogo zilifanyika nyumbani kwa wazazi wake wiki mbili baada ya kupatikana ameaga dunia bafuni Julai 16, 2021.

Ripoti ya K24 ilionyesha kuwa mumewe marehemu Richard Ng'eno alikataa ombi la kuwahutubia waombolezaji na badala yake akasalia kimya wakati wa ibada.

Ng'eno ambaye anahudumu katika kitengo cha maafisa wa masuala ya bahari mjini Mombasa, alikuwa ameketi kando ya wanawe wawili wakati huo.

Familia yake hata hivyo ilimkumbuka kama afisa aliyekuwa mpole na mwenye bidii huku wakitoa wito kwa polisi kuchunguza kwa kina kuhusu kifo chake na iwapo aliwaua watu wawili ilivyodaiwa.

Read also

Polisi Kususia Mazishi ya Afisa Aliyejiua Caroline Kangogo

"Caroline Kangogo aliyezungumziwa katika vyombo vya habari sio yule ambaye sisi tunamjua, alipakwa tope," kakake Mark Kangogo alisema.

Siku chance zilizopita, Mwanapatholojia wa serikali Johansen Oduor alithibitisha kwamba afisa huyo aliaga dunia kutokana na jeraha la risasi.

Oduor alifanyia upasuaji huo katika hospitali ya rufaa ya Moi Eldoret siku ya Jumanne, Julai 27.

Odour alisema risasi iliharibu fuvu na ubongo wa marehemu na hangeweza kupona hata kama angenusurika kifo.

" Kisa hicho kilitokea katika eneo la tukio, mwendazake alijiua kwa kujipiga risasi moja kwenye kichwa, fuvu na ubongo viliharibika sana," Oduor alisema.

Oduor pia alifutilia mbali madai kwamba afisa huyo aliuawa kwingine na mwili wake kuvuta hadi kwenye bafu ya wazazi wake kijijini Anin kaunti ya Elgeyo Marakwet siku ya Ijumaa, Julai 16.

Maafisa wa DCI walisema kuna poda iliyopatikana kwenye mkono wake na itafanyiwa uchunguzi zaidi pamoja na bunduki aliokuwa akitumia afisa huyo.

Read also

Mimi ni Baba wa Watoto 3 Ila Sipendi Kuwaanika Mitandaoni, Jalang'o

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsApp: 0732482690.

Tazama Video Kemkem za Kusisimua Kutoka hapa TUKO.co.ke.