Mudavadi apokea chanjo ya COVID-19 katika hospitali ya Kenyatta

- Rais Uhuru Kenyatta pamoja na mkewe Mama Margaret Kenyatta wamepokea chanjo dhidi ya virusi vya COVID- 19

- Naibu Rais William Ruto pia amekuwa miongoni mwa viongozi mashuhuri ambao wamepokea chanjo hiyo

- Kiongozi wa chama cha ANC Musalia Mudavadi ni wa hivi punde kuchanjwa pamoja na familia yake

Kiongozi wa chama cha ANC Musalia Mudavadi pamoja na familia yake wamepokea chanjo ya COVID-19 katika hospitali ya kitaifa ya Kenyatta.

Kupitia mtandao wa Twitter, Mudavadi alimshukuru daktari Kamuri kwa kumhudumia na amewasihi Wakenya wachanjwe dhidi ya virusi hivyo.

" Nilipokea dozi ya kwanza ya chanjo ya COVID-19 pamoja na familia yangu katika hospitali ya Kenyatta. Ningependa kuwasihi Wakenya wote kuchanjwa dhidi ya virusi vya COVID-19. Asante Dkt Kamuri kwa kutuhudumia," Alisema Mudavadi.

Hatua ya Mudavadi inajiri saa chache baada ya naibu Rais William Ruto pamoja na familia yake kuchanjwa dhidi ya virusi hivyo.

Kulingana na ujumbe uliopakiwa kwenye ukurasa wa Twitter, Ruto alisema alipokea chanjo hiyo akiwa na Mama Rachael nyumbani kwao mtaani Karen.

"Chanjo ya COVID-19 ni salama na itasaidia katika kuokoa maisha na kukabili ugonjwa huu, Nawaomba Wakenya kushiriki zoezi hili ili tujilinde dhidi ya janga hili na tuzuie maambukizi yzaidi," Alisema Ruto siku ya Jumanne.

Rais Uhuru na mkewe Mama Mama Margaret Kenyatta pia walipokea chanjo hiyo mwanzoni mwa wiki hii.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi hapa TUKO.co.ke