Mtu mmoja auawa waandamanaji wakikabiliana na polisi Kenya

Mtu mmoja ameuawa kwa kupigwa risasi na polisi katika eneo la Emali ,kaunti ya Makueni ,mashariki mwa Kenya baada ya polisi kuwafyatulia risasi waandamanaji walioliteketeza gari la serikali na kurusha mawe katika benki moja

Huku maandamano yaliyopigwa marufuku yakiendelea nchini Kenya , polisi wamerusha mabomu ya kutoa machozi kwa umati wa watu waliokusanyika katika viwanja vya Kamukunji katika mji mkuu, Nairobi, ambapo kiongozi wa upinzani Raila Odinga alitarajiwa kuhutubia wafuasi wake.

Video iliyopeperushwa moja kwa moja kwenye uwanja huo inaonyesha mafundi jukwaani wakihangaika kutafuta vifaa vyao.

Sehemu ya barabara kuu ya Nairobi yenye thamani ya mamilioni ya dola imefungwa kutokana na maandamano, kampuni inayoisimamia inasema.

Video kwenye mitandao ya kijamii zinaonekana kuonyesha kundi la watu wakiharibu barabara.