Mtoto mchanga auawa na twiga Afrika Kusini

Twiga amuua mtoto mchanga wa miezi 16 katika mbuga ya wanyama huko Afrika Kusini katika shambulio la nadra la mnyama huyo, vyombo vya habari vya ndani vimeripoti.

Mtoto huyo na mama yake mwenye umri wa miaka 25 walikuwa katika bustani hiyo kaskazini mwa KwaZulu-Natal wakati wote wawili walipokanyagwa na twiga.

Mtoto huyo alifariki baada ya kupelekwa katika "chumba cha karibu cha daktari kwa matibabu", huku mama yake alipelekwa hospitalini, akiwa katika hali mbaya, msemaji wa polisi aliviambia vyombo vya habari vya eneo hilo.

Polisi wanachunguza tukio hilo kwa karibu. Twiga mara chache huwashambulia wanadamu.