"Msinifute Kazi" Gidi Gidi Awaomba Wakenya Wasizime Kipindi cha Patanisho
- Gidi Gidi alihisi kwamba ndiye atatupwa nje baada ya Shaffie Weru na wenzake kutimuliwa
- Mtangazaji huyo wa radio alipata fununu ya namna wengi hukerwa na kicheko chake hewani
- Aliwaomba Wakenya kutopiga marufuku Patanisho akidai kuwa kicheko ni dawa
Mtangazaji wa radio Joseph Oyoo almaarufu kama Gidi Gidi anawaomba Wakenya kutoshinikiza afutwe kazi.
Mwanamuziki huyo wa zamani ambaye alibadilisha taaluma yake na kuwa mwanahabari, alipata fununu ya namna wengi hukerwa na kicheko chake hewani wakati wa kipindi chake maarufu cha Patanisho.
Wengi walitaja kipindi chake kama kisichokuwa na maana na kukijumuisha miongoni mwa vipindi ambavyo vinatakwa kufutiliwa mbali.
Katika ujumbe kwenye Facebook, Gidi aliwaomba mashabiki wake kutomuhukumu vikali.
Mtangazaji huyo aliongezea kuwa Patanisho ni shoo ya kuchangamsha ambayo huwapatanisha wapenzi waliokosana.
Kulingana naye kipindi hicho hakina uchafu wowote.
“Sisi hatubaghui jinsia yoyote. Kicheko ni dawa na kinaweza kuwafanya wanandoa wanaogombana kuanza kuzungumza.Tafadhali msizime,” aliwaomba wafuasi wake.
Kama ilivyoripotiwa awali na Tuko.co.ke, watangazaji wa kipindi cha asubuhi katika redio ya HomeBoyz Shaffie Weru, Joseph Munoru almaarufu DJ Mfalme na Neville Muysa wamefutwa kazi.
Kupitia taarifa, kampuni ya Radio Africa Group ambayo inamiliki redio ya HomeBoyz ilisema hatua hiyo imechukuliwa baada ya uchunguzi kuhusu matamshi hayo.
Watatu hao wanaripotiwa kusema maneno yaliyoonekana kuunga mkono unyanyasaji wakijinsia kwenye kipindi chao Alhamisi Machi 24 wakati wa kipindi cha Lit Off.
"Wamefutwa kazi baada ya uchunguzi kamili kuhusu waliyoyasema Alhamisi ambapo baadaye walisimamishwa kazi. Washika dau na waskilizaji watakubali hatua hii kwa sasa ndiyo inafaa kuchukuliwa,"
"Jumbe walizozisema hazikuwa zimeruhusiwa wala kujadiliwa na uongozi wa kampuni kabla ya kujadiliwa hewani," taarifa cha usimamizi wa kituo hicho ilisema.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.