Mlipuko wa gesi waua na kujeruhi Afrika Kusini

Mamlaka nchini Afrika Kusini zina wasiwasi kuhusu mlipuko wa pili wa gesi katika wilaya ya biashara ya Johannesburg, baada ya mtu mmoja kufariki na wengine 48 kujeruhiwa katika mlipuko mkubwa siku ya Jumatano.

Video zinaonyesha barabara kuu ikiwa imegawanyika wazi kutokana na nguvu ya mlipuko, huku magari kadhaa yakilipuliwa upande wao.

Maafisa wa serikali wamewataka wananchi kukaa mbali na eneo hilo.Bado haijulikani ni nini kilichosababisha mlipuko huo, lakini maafisa wanashuku bomba la gesi ya chini ya ardhi linahusika.

Huduma za dharura bado ziko katika eneo la tukio katika mtaa wa Bree, kutathmini uharibifu na kuwahamisha watu pale inapobidi.

Mitaa kadhaa imefungwa kwa foleni na usambazaji wa umeme katika eneo hilo umefungwa.

Maafisa kutoka jimbo la Gauteng, linalojumuisha Johannesburg, wanashuku kuwa mlipuko huo huenda ulisababishwa wakati mabomba ya gesi ya chini ya ardhi yalipopasuka.Akizungumza na vyombo vya habari siku ya Alhamisi, Waziri Mkuu Panyaza Lesufi alisema watu 12 bado wanatibiwa hospitalini kutokana na majeraha yao.