Mlinzi aliyepigwa risasi kimakosa na muigizaji Ainea Ojiambo aaga dunia
- Majambazi wawili walimshambulia muigizajia maarufu Ainea Ojiambo kwenye barabara ya Moi Avenue Ijumaa, Aprili 30
- Ojiambo alionekana kwenye CCTV akipiga gumzo na mwanamkea mmoja ambaye hajatambulika kabla ya wezi hao kujaribu kumuibia ushanga
- Kisa hicho kilizua hisia tofauti miongoni mwa Wakenya ambao wengi wamedai jiji kwa sasa limekuwa hatari zaidi kwa kukosa usalama
Mlinzi mmoja aliyekuwa akipiga doria katika maduka ya kibinafsi katika barabara ya Moi Avenue, ameaga dunia baada ya kupigwa risasi na muigizaji Ainea Ojiambo.
Kisa hicho cha fyatua fyatua kilitokea wakati ambapo Ojiambo alikuwa akipiga gumzo na mwanamke mmoja ambaye hajatambukia kisa wezi wawili wakatokea na kujaribu kumuibia ushanga.
Katika harakati ya kujitetea, Ojiambo alichomoa bunduki yake na kuwafyatulia risasi wezi hao lakini kwa kimakosa, risasi ikawapata walinzi wawili.
Kulingana na taarifa tulizozipokea hapa TUKO.co.ke, risasi ilimpiga mlinzi mmoja utosini na kutokea usoni, risasi ya pili ilimgonga askari wa pili pajani.
Hata hivyo, wezi hao hawakufanikiwa kumuibia ushanga muigizaji huyo.
Maafisa wa upelelezi wameanzisha uchunguzi kufuatia kisa hicho, tayari wanafuatilia matukio ya siku hiyo kwenye kamera za CCTV.
Mshukiwa alikamatwa na kupelekwa katika kituo cha polisi cha Central ambapo pia aliandikisha taarifa.
Kisa hicho kimezua hisia mseto miongoni mwa Wakenya, wengi sasa wanahofia kutembea katikati mwa jiji kwa ajili ya ukosefu wa usalama.
" Siku hizi Nairobi imekuwa hatari kwa usalama. Wezi wanaibia wananchi mchana bila kuogopa, wengine wanajihami na visu. Hii Covid -19 imefanya watu kufilisika na ndio sababu wanaibia watu kimabavu. Kisa hicho kilikuwa cha kushtuwa sana, mlinzi huyo hakustahili kifo cha aina hiyo," Juma G aliandika Twitter.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.
Tazama habari zaidi hapa TUKO.co.ke